Zafir Berisha ish-deputeti i Kuvendit të Kosovës, të mërkurën është arrestuar për “sulm ndaj personit zyrtar”, i cili më pas është liruar në procedurë të rregullt, në Prizren.
Në raportin 24 orësh të Policisë së Kosovës, ngjarja ka ndodhur të mërkurën rreth orës 14:40, në Prizren.
Në raport se , “Janë arrestuar dy të dyshuar meshkuj kosovarë, pasi që të njëjtit kanë ofenduar dhe sulmuar fizikisht zyrtarët policorë. Pas intervistimit me vendim të prokurorit të dyshuarit janë liruar në procedurë të rregullt”.
Një gjë të tillë e kishte kundërshtuar vet ish deputeti Berisha, sipas të cilit “nuk ka ndodhur ndonjë sulm apo kërcënim”.
Ai pretendonte se policia prej disa ditësh i kishte shqiptuar dënime vetëm veturës së tij në mënyrë selektive.
“Nuk është e vërtetë se kam penguar ndonjë zyrtar policor, por për disa ditë rresht dikush nga policia para Shoqatës së Veteranëve më vendos tiketë dënimi për parking edhe pse dhjetëra vetura tjera ishin të parkuara më keq se e imja dhe nuk kishin tiketa dënimi”.Berisha dyshonte se ishte provokuar qëllimisht nga policia, e madje pretendonte se i ishte hedhur gaz lotsjellës.
“Tipin në fjalë [zyrtarin policor] nuk e njoh, por veprimet e tij më bëjnë të dyshoj se kanë qenë provokuese dhe me qëllim, për të cilin do të sqarohem para organeve të drejtësisë. Nuk ia kam pas borxh të më hedh gaz lotsjellës pa kurrfarë arsye”, thuhej në përgjigjen e Berishës./Globisot.net/
Diskutim rreth kësaj post