Sekretari Amerikan i Shtetit, Antony Blinken ka shprehur ngushëllimet për ndarjen nga jeta të ish-presidentit të Shqipërisë, Bujar Nishani.
Në një mesazh të publikuar nga Ambasada Amerikane në Tiranë, Blinken vlerëson kontributin e Nishani në forcimin e marrëdhënieve mes Shteteve të Bashkuara të Amerikës dhe Shqipërisë.
“Ne ndajmë dhimbjen e popullit shqiptar për largimin nga jeta të ish-Presidentit Bujar Nishani. Kontributet e tij në marrëdhëniet SHBA-Shqipëri dhe partneritetin tonë të qëndrueshëm lënë pas një trashëgimi jetëgjatë”, shkruan Blinken.
Nishani u shua në një spital në Gjermani, ku ishte dërguar para një muaji, pas rëndimit të gjendjes shëndetësore. Më herët ai u shtrua në spitalin e Sanatoriumit në Tiranë por gjendja e rëndë e mushkërive i detyroi familjarët për ta nxjerrë jashtë vendit.
Diskutim rreth kësaj post