Deputeti i Partisë Demokratike të Kosovës, Bekim Haxhiu gjatë prezantimit të Ligjit për tërheqjen e kursimeve nga Fondi Pensional (Trusti) ka thënë se qytetarët janë duke u përballur me krizë ekonomike dhe së është e nevojshme që të kalojë Projektligj.
Haxhiu ka theksuar se sa më të vogla janë kursimet përqindja e tërheqjes duhet të jetë më e madhe.
Haxhiu para Komisionit për Buxhet dhe Transfere tha: “Qytetarët e Kosovës janë duke u përballur me krizë që nga viti 2020 nga pandemia COVID-19, kriza energjetike dhe ajo e çmimeve, andaj kemi propozuar ndryshimin e Ligjit të Trustit për tërheqje nga 10 për qind deri 30 për qind për ata që kanë nevojë.
Pjesëmarrësit mund t’i tërheqin kursimet nën 10 mijë euro kanë të drejtë t’i tërheqin deri 30 për qind, ata që kanë deri 19 mijë euro kanë të drejtë t’i tërheqin deri 25 për qind. Kurse ata që kanë deri 29 mijë euro kanë të drejtë t’i tërheqin deri 20 për qind dhe për ata që kanë deri 39 mijë euro kanë të drejtë t’i tërheqin deri 15 për qind. Më shumë se 40 mijë euro kanë të drejt t’i tërheqin deri 10 për qind.
Gjashtë muaj pas tërheqjes së kursimeve, Ligji do të shfuqizohet”./Globisot.net/
Diskutim rreth kësaj post