Për që të gjithë tema e muajit Dhjetor është shlyerja e borxheve shpirtërore, emocionale, financiare këtë muaj! Nëse keni punuar fort në diçka për të cilën nuk jeni shpërblyer si meritoni, ai që duhet të kthejë sytë nga ju, do detyrohet nga universi që ta bëjë këtë gjë, që të tregojë mirënjohjen e munguar, financiarisht dhe emocionalisht.
Më në fund brenda javës së parë të muajit do gjeni pjesën e fundit të puzzle që ju duhet për të kuptuar se çfarë duhet të bëni mbi një çeshtje të caktuar. Në rastin tuaj kjo ka të bëjë me dashurinë e vërtetë, me fëmijët, me pasionet tuaja më të mëdha. Më në fund do merrni një vendim mbi se çfarë duhet të bëni.
Në Tetor jeni ndjerë shumë të parehatuar sepse Afërdita u zmbraps në shënjën e Akrpeit, një shenjë uji si ju e cila përfaqëson për ju këto gjëra që përmenda pak më lart që lidhen me pasionet dhe gjërat që ju do më shumë zemra, gjërat që ju entuziasmojnë më shumë ku sigurisht përfshihet dhe romanca.
Tani Afërdita është drejtuar dhe do vijë në shenjën e Akrepit më datë 2 Dhjetor, ku do qëndrojë deri më datë 7 Janar. Kështu që në këtë drejtim gjërat do ecin mirë, shumë më lehtë. Afërdita do ju ndihmojë që të zgjidhni dilemat lidhur me këtë aspekt të jetës.
Mërkuri do jetë i zmbrapsur në këtë fushë të jetës suaj deri më datë 6 Dhjetor, dhe mund të them se mirë është që vendimet në këtë fushëtë jetës t’i merrni pas datës 7, atëhere kur ta keni në dorë dhe pjesën e fundit të puzzle-it për të qënë më të mirëinformuar mbi atë që ju duhet. Ju jeni të ndryshëm dhe secili ka historinë e vetë, por baza e parashikimit mbetet e njëjtë; brenda javës së parë të muajit do zgjidhni një çeshtje e cila mund të ketë të bëjë me fëmijën tuaj, me një shtatzani ndoshta, me pasionin apo punën që bëni me pasion, mbi një romancë gjithashtu.
Ndoshta dikush ka marrë vendime shumë të papjekura dhe kjo mund t’ju ketë irrituar apo lodhur por tani në Dhjetor ai që ju ka lodhur, do ju rikthejë harmoninë apo rehatinë e munguar. Nëse në dashuri keni patur frikë prej tradhëtisë, keni patur kriza mosbesimi që keni menduar se i keni zgjidhur, java e parë e Dhjetorit tregon se duhet t’i hidhni dhe një shikim të fundit situatës për ta zgjidhur në mënyrën e duhur.
Ndoshta mënyra se si keni menduar më parë që të menaxhoni diçka në fushën e dashurisë në jetën tuaj është mënyra më e mirë, por kjo do rishikohet edhe njëherë. Do lini njerëz pas, do mësoni të hiqni dorë më mirë, të lini pas fiksime dhe marrëdhënie jo të mira. Për disa prej jush do jetë më e lehtë që të kuptoni se si duhet t’i dorëzoheni intimitetit me dikë, se si duhet kuptuar kjo gjë në një marrëdhënie personale dhe mund të fitoni një kuptim më praktik mbi këtë fushë të jetës.
Ata prej jush që janë beqarë, kanë një mudnësi të re në dashuri veçanërisht nga tani e deri në pjesën e parë të muajit Janar 2019. Duhet të lini në pushim disa mendime në mënyrë që t’i lejoni vetes mundësinë për të shijuar dashurinë e re.
Hëna e re e datës 7 Dhjetor ndodh në shenjën e Shigjetarit duke aktivizuar tani fushën e shëndetit dhe punës suaj. Kjo do nxisë dhe stimulojë gjëra shumë të mira në drejtimin e punës dhe shëndetit. Do ju jepen kaq shumë mundësi në punë sa nuk do dini çfarë të bëni më parë.
Do jeni më të hapur mbi emocionet tuaja pas datës 18 Dhejtor sepse Afërdita do jetë të pikën apo gradën ku ishte kur filloi qëndrimin e saj në Akrep, dhe kjo njihet si rikthim në pikën e fillimit në astrologji, (pika e Dashit meqënëse është shenja e parë) dhe kjo do ju shtyjë që të ndani më shumë emocionet tuaja, të jeni më publikë me emocionet tuaja. Jo që të gjithë prej jush do bëhen të famshëm por diçka e juaja do jetë më publike, do ndjeheni më të përmbushur dhe do jeni shuëm më të ndjeshëm.
Hëna e plotë në shenjën tuaj në datën 22 Dhjetor do ju bëjë të ndjeheni plot emocione por edhe do ju bëjë të ndjeheni shumë të plotë. Njerëzit do përgjigjen duke thënë se mendojnë se jeni më emocionalë seç mendonin por gjithashtu që me të tjerët po ndani atë çka është e vërteta juaj prandaj do ju dëgjojnë dhe pëlqejnë. Në fund të muajit, më datë 31 Dhjetor, Marsi do lëvizë në fushën e karrierës suaj. Përsa i përket kësaj fushe, do e filloni vitin me shumë energji, me shumë dinamika.
Do lëvizni malin nga vendi me vendosmërinë tuaj, asgjë s’do ju ndalojë. Do flasim më shumë për këtë në muajin Janar por tani për tani përpiquni që qëllimet që i vini vetes për 2019 të kenë shumë fokus tek karriera sepse do gjeni energjinë për të realizuar shumë gjëra, për të përfunduar shumë detyra të rëndësishme që do ju çojnë në një nivel tjetër.
Qiell të mbarë.
