Haradinaj për Osmanin: Ec e bjeri në fije – vajton marrëveshjen Vuçiq-Putin, e hesht për refuzimin e gazit amerikan nga Kurti!

Kryetari i AAK-së, Ramush Haradinaj ka reaguar lidhur me deklaratën e presidentes Vjosa Osmani për marrëveshjen e Serbisë dhe Rusisë për gazin rus.

Haradinaj në një postim në Twitter ka shkruar: “Presidentja e vajton marrëveshjen Vuçiq-Putin për gazin rus e heshtë JO-në e Kosovës (e thënë nga KM Kurti) për gazin amerikan?!? Ec e bjeri në fije!”.

Presidentja e vajton marrëveshjen Vuçiq-Putin për gazin rus e e heshtē JO-në e Kosovës (e thënë nga KM Kurti) për gazin amerikan?!? Ec e bjeri në fije!

— Ramush Haradinaj (@haradinajramush) May 31, 2022

Osmani dje përmes një postimi në Twitter ka shkruar se Vuçiqi duke blerë gazin rus po e financon luftën e Putinit.

“Ai ka zgjedhur të bashkohet me një kriminel lufte dhe të financojë luftën e Putin-it, mbi një Evropë të bashkuar, paqësore dhe të begatë. BE nuk mund të injorojë më rrugën shkatërruese që ka marrë”, ka shkruar Osmani.

Vucic’s deliberate decision to side with Russia is a blow to Serbia’s prospects of walking the EU path.

He has chosen to align with a war criminal & to finance Putin’s war, over a united, peaceful & prosperous Europe.

🇪🇺 can no longer ignore the destructive path he has taken. pic.twitter.com/nZtoU1vpfc

— Vjosa Osmani (@VjosaOsmaniPRKS) May 30, 2022

Vuçiq tha se kishte rënë dakord për një kontratë të re trevjeçare për furnizimin me gaz në një bisedë telefonike me homologun e tij rus Vladimir Putin.

Çmimi i gazit që Serbia do të blejë nga Gazpromi rus aktualisht është tri herë më i ulët sesa çmimi me të cilin e blejnë këtë lëndë shtetet e tjera evropiane, ndërkaq në dimër, ky çmim do të jetë dhjetë deri në 12 herë më i ulët.

Vuçiq tha se çmimi pritet të jetë 340 deri në 350 dollarë për 1,000 metër kubikë të gazit, por “ky nuk është çmimi final sepse do të varet nga sasia që do të dërgohet”.

Ai theksoi se janë pajtuar për çmimin për furnizimin e 2.2 miliardë metër kubikë gaz në vit dhe shteti të Serbisë i duhen edhe 800 milionë metër kubikë për shkak të zhvillimit të industrisë.

Ndryshe, rreth marrëveshjes në fjalë kanë shkruar edhe mediat ndërkombëtare duke theksuar se ndërsa agresioni rus në Ukrainë vazhdon, presidenti i Serbisë njoftoi se ka siguruar një marrëveshje “jashtëzakonisht të favorshme” të gazit natyror me Rusinë.