Dashi
Ju pret një ditë e komplikuar. Problemet më të mëdha do të lindin në raport me disa pjesëtarë të familjes. Nuk do të merrni rezultatet që shpresonit lidhur me një projekt që sapo keni nisur, megjithatë me kalimin e ditëve gjërat do të ndryshojnë. Tregohuni më të komunikueshëm me kolegët, pasi ndihma e tyre mund të jetë e dobishme.
Demi
Një qetësi e pazakontë do ju shoqërojë gjatë gjithë ditës. Pas shfrenimit të ditëve të fundit, do të përjetoni momente relaksi, gjatë të cilave do kujdeseni për trupin tuaj. Gjatë pasdites do të takoni një mikun tuaj të mirë me të cilin do kaloni disa momente të këndshme. Mos u joshni nga fitimet e lehta, pasi mund të fshehin probleme serioze më mbas.
Binjakët
Ka ardhur dita që prisnit, ku një ngjarje pozitive do ju shoqërojë gjatë pasdites. Për ata që janë të punësuar, do jetë një ditë më se pozitive. Disa prej të lindurve të kësaj shenje mund të kenë disa takime interesante.
Gaforrja
Mos u zini besë personave të panjohur, pasi mund t’iu bëjnë propozime vetëm për të përmbushur interesat e tyre. Vlerësoni mirë çdo gjë para se të merrni një vendim të rëndësishëm. Raportet me personat e gjinisë së kundërt me të tuajin do të jenë të shkëlqyera, e veçanërisht me partnerin. Një problem i vogël me shëndetin, mund ta bëjë mbrëmjen më pak të këndshme.
Luani
Do të arrini të përfundoni shumë angazhime të rëndësishme, por diçka e papritur mund ta bëjë drekën tuaj disi problematike. Një anëtar i familjes do ju kërkojë që t’i bëni shoqëri gjatë pasdites, ndaj tregohuni të gatshëm, pasi ka nevojë për mbështetje. Në mbrëmje do keni kohë të lirë për veten tuaj.
Virgjëresha
Fati do ju buzëqeshë të lindurve të kësaj shenje duke dhuruar emocione unike në sajë të bashkëpunimit me partnerin tuaj. Një ngjarje e gëzueshme do ju përmirësojë humorin. Edhe në punë dita do të jetë e mbarë dhe me fitime shtesë. Gjatë pasdites do të përfshiheni në një aktivitet zbavitës.
Peshorja
Më në fund do mund të shijoni pushimin që keni merituar. Dita nuk do të jetë aspak e ngarkuar, por në mëngjes do të bëni disa blerje të vogla. Pasditja do kalojë në relaks të plotë me njeriun tuaj të zemrës. Shëndeti paraqitet më së miri.
Akrepi
Do të jeni të angazhuar me punë deri në orët e vona të pasdites. Orët e punës do të jenë të gjata dhe të lodhshme. Mundohuni të rezistoni pasi ju pret një mbrëmje relaksuese me partnerin. Sa i takon situatës ekonomike, është një periudhë negative, por nuk është rasti që ta ktheni në një dramë, pasi situata do ndryshojë në pak kohë.
Shigjetari
Do t’iu duhet të merrni një vendim të vështirë sa i takon fushës së ndjenjave. Këshillohet që të mos mbështeteni vetëm tek instinkti pasi mund të gaboni. Mundohuni të kërkoni ndihmën e një të afërmi tuaj, i cili do dijë si t’iu udhëzojë. Kjo nuk është dita ideale për të firmosur një kontratë të rëndësishme, apo për të bërë blerje të shtrenjta.
Bricjapi
Ju pret një ditë shumë pozitive. Në mëngjes do mësoni një lajm që do ju lumturojë pafund, ashtu sikundër pritet të keni përmirësime ekonomike. Sa i takon dashurisë, partneri do ju surprizojë me një dhuratë të papritur. Shëndeti nuk do ju japë ndonjë shqetësim, por kujdes me peshën.
Ujori
Dita do jetë e mbushur me luhatje. Dreka do jetë momenti më i mirë i ditës, pasi do arrini të zgjidhni një problem familjar që e keni shumë përzemër. Në fushën e ndjenjave, kjo është një periudhë shumë pozitive, por mundohuni të mbani parasysh kërkesat e partnerit.
Peshqit
Kjo e shtunë do jetë më se e qetë ku punën nuk do e ndjeni fare. Pasditen do e keni të lirë dhe do kaloni kohë me familjen, pasi së fundmi nuk keni qëndruar me ta. Shfrytëzojeni mbrëmjen për të dalë me shoqërinë.
Diskutim rreth kësaj post