GlobiSot.net ka intervistuar nën kampionen e karatesë në GRAND PRIX SAMOBOR CROATIA, Elmedina Istogu, e cila ka rezultate mbresëlënës në gjitha garat vendore, rajonale dhe ndërkombëtare.
Me poshtë gjeni intervistën e plotë të nën kampiones Elmedina Istogu:
Globisot: Kur keni filluar te merreni me sport, me karate se disipline e veçantë sportive?
Elmedina: Që nga mosha 7 vjeçare.
Globisot: Cili ka qenë trajneri yt i parë në këtë sport dhe cilët trajnerë kane punuar me ty deri sot?
Elmedina: Shqipe Zogiani ka qenë dhe ka punuar me mua deri sot.
Globisot: Cilat gara ke marre pjese dhe cilat janë rezultatet tuaja deri sot?
Elmedina: Kam marrë pjesë në shumë gara vendore dhe ndërkombëtare, kampionati botëror në Santiago Chile , kampionate ballkanike, kampionat Mediterian , Kupa Botërore, Youth Lague , Grand Prix etj.
Globisot: ELMEDINA cilat janë rezultatet tuaja në garat vendore duke i përfshi edhe turnet ku ju keni garuar?
Elmedina: Rezultatet janë se fundi vendi dytë ne Grand Prix Samobor (Kroaci), vendi pare kampionat ballkanik me epikën e femrave, vendi dytë në Turkish Open mbajt në Turqi.
Globisot: Kush ju ka mbështet në rrugëtimin tuaj dhe formimin si sportiste e dalluar ne sportin e Karatesë?
Elmedina: Mbështetja ime me e madhe kanë qenë prindërit dhe klubi Ippon.
Globisot: Që sa kohë jeni anëtare e Reprezentacionit të Kosovës?
Elmedina: Anëtare e reprezentacionet jam që 5 vite.
Globisot: ELMEDINA në garën e GRAND PRIX SAMOBOR CROATIA cila ka qenë përformanca juaj në këtë garë të rëndësishme?
Elmedina: Në garën Grand Prix, përformanca ka qenë e shkëlqyer duke kaluar luftën e parë pa kundërshtar, të dytën me atë të Danimarkës, treten me Azerbaigjan dhe në finale me garuesen nga Mali i Zi e cila është edhe kampione evropiane aktuale.
Globisot: Në cilën kategori garoni në sportin e karatesë?
Elmedina: Garoj ne kategorinë sinorë +68.
Globisot: A do te merrni pjesë ne kampionatin Evropian?
Elmedina: Po dhe pas dy javë nisemi në kampionatin Evropian që do të mbahet në Pragë Çeki.
Globisot: Çka prisni nga gara në këtë kampionat dhe cilat janë gjasat që ju të ktheheni me medalje nga ky kampionat?
Elmedina: Kam punuar shumë dhe shpresojmë se nga evropiani do të kthehem me medalje.
Globisot: Cilat janë kushte në klubin ku ju jeni anëtare?
Elmedina: Kushtet në klub janë shumë të mira duke marrë parasysh se në klubin tim janë garuesit më të mirë dhe jam shumë me fat!
Globisot: A do të mund të sjellëni medalje në garat që do të organizohen në vitin 2022?
Elmedina: Viti 2022 ka filluar shumë mirë me vendin e parë gjithmonë në garat vendore dhe shpresojmë se do te vazhdoj edhe në garat ndërkombëtare.
Globisot: Shkollimi i juaj dhe çka studioni?
Elmedina: Unë studioj në fakultetin e Edukimit Fizik dhe Sportiv në UP.
Globisot: Cili është mesazhi i juaj për vajzat e reja sot, a ju propozoni që të merren me sporte në përgjithësi e me sportin e karatesë në veçanti?
Elmedina: Ju propozoj të gjithë të merren më sport se pari për shëndetin e tyre, se dyti për vizionet dhe sukseset që mund të arrijnë.
Diskutim rreth kësaj post