Kreu i LDK-së, Isa Mustafa, ka bërë të ditur se do të mbledhë Këshillin e Përgjithshëm të partisë, një ditë pas seancës për shpërndarje të Kuvendit, raporton Gazeta Express.
Përmes një ftese që i ka bërë Këshillit të Përgjithshëm, është bërë e ditur se do të diskutohet për dy pika të rendit të ditës.
Fillimisht, në rend dite janë rezultatet në zgjedhjet e fundit të përgjithshme dhe lokale dhe perceptimi publik për LDK-në, derisa pas saj do të bëhet edhe zgjedhja e kryesisë së re të partisë.
Mbledhja mbahet të premten, në selinë e LDK-së, nga ora 17:30.
Nuk është bërë e ditur se a do të shpallet edhe kandidatura për kryeministër nga LDK-ja po atë ditë.
Lidhja Demokratike e Kosovës
Anëtarëve të Këshillit të Përgjithshëm të LDK-së
Thëras mbledhjen e dytë të Këshillit të Përgjithshëm të LDK-së me këtë Rend Dite:
1) Rezultatet në zgjedhjet e fundit të përgjithshme dhe lokale dhe perceptimi publik për LDK-në
2) Zgjedhja e Kryesisë së LDK-së
Mbledhja mbahet të premten, më 23 gusht 2019 në Selinë e LDK-së nga ora 17:30.
Kryetari
Akademik Isa Mustafa
Discussion about this post