Iniciuesi i arritjes së konsensuesit politik për ratifikimin e Demarkacionit, Fatmir Limaj, thotë se pasi u arrit marrëveshja mes Kosovës e Malit të Zi, demarkacion duhet të dalë sa më shpejt për votim në Kuvend, në mënyrë që kjo çështje të mbyllet, ndërsa të hapen kufijtë evropianëa për Kosovën.
Limaj thotë se pas një përpjekje dhe angazhimi serioz disa mujor në kërkim të gjetjes se një zgjidhje për marrëveshjen e demarkacionit, e cila do të zhbllokonte rrugën e Kosovës drejt integrimeve evropiane, është arritur marrëveshje mes dy shteteve tona.
“Tanimë deputetët e Kuvendit të Kosovës, e kanë rastin që pa asnjë dilemë të votojnë marrëveshjen e cila respekton interesat e dy vendeve”, thotë Limaj.
Ai ka falënderuar Malin e Zi për gatishmërshinë e treguar për të gjetur një zgjidhje e cila nuk lenë asnjë dilemë dhe hije në marrëdhëniet mes dy shteteve tona.
“Arritja e kësaj marrëveshje do të thellojë marrëdhëniet dhe bashkëpunimin e shumanshëm me shtetin fqinjë, Malin e Zi. Ftoj, të gjitha Grupet Parlamentare dhe Kryesinë e Kuvendit që urgjentisht të thërrasin seancën për të ratifikuar marrëveshjen për demarkacion”, është shprehur Limaj.
Ky veprim i Kuvendit të Kosovës do të ishte dhurata më e mirë që mund t’ia ofrojmë qytetarëve të Kosovës në 10 vjetorin e pavarësisë. Ratifikimi i kësaj marrëveshje përfundimisht i hap rrugë të liberalizimi të vizave dhe konfirmon rrugën e Kosovës drejt integrimeve evropiane.
