Presidentja e Kosovës Vjosa Osmani, ka përkujtuar 23-vjetorin e Masakrës së Dubravës, në të cilën regjimi gjenocidal vrau brenda burgut 160 të burgosur shqiptarë dhe plagosi 300 të tjerë.
Ajo ka thënë: “Pllaka me emrat e të vrarëve e vendosur në hapësirën e Burgut të Dubravës do të jetë dëshmi e përhershme e egërsisë së regjimit gjenocidal serb.
Ai mbajti padrejtësisht në burg shqiptarët, e më pas i ekzekutoi barbarisht. Ky krim makabër mbetet ende i pandëshkuar. Ka dëshmitarë të mbijetuar, ndaj drejtësia duhet ta bëj punën e vetë duke sjellë autorët e krimit para përgjegjësisë.
Lufta e Kosovës për liri dhe shtet do të vuloset kur drejtësia të vihet në vend për të gjitha krimet që ka bërë regjimi serb.
Masakra në Burgun e Dubravës ka ndodhur nga 19 deri më 22 maj 1999. Në Dubravë të Istogut ka ekzistuar burgu famëkeq i Dubravës, ku forcat policore serbe, gardianë e paramilitarë serb prej 19-22 maj 1999 kanë vrarë e masakruar në këtë burg më shumë se 100 të burgosur nga viset e ndryshme të Kosovës”./Globisot.net/
Diskutim rreth kësaj post