Për të gjitha shenjat, ky muaj është një muaj ku korret ajo që ke mbjellur në një fushë të caktuar, kjo sepse Afërdita është në shenjën e Akrepit, dhe ju veçanërisht jeni shumë të ndjeshëm ndaj lëvizjes së Afërditës sepse është planeti që ju drejton.
Tani që vijmë drejt fundit të vitit, Afërdita po drejton fushën e financave tuaja e cila përfshin kursimet, zotërimet aktuale materiale, të mirat që ju ka lënë ose ju ka mundësuar familja, kënaqësia që merr nga ushqimi dhe nga eksperiencat intime.
Pra kjo është periudhë ku këto gjëra stimulohen dhe vihen më shumë në vëmendjen tuaj. Mërkuri dhe Afërdita këto kohë mund të themi se kanë luajtur me njëri-tjetrin dhe besoj se dhe shumë prej jush e kanë gjetur veten të tërhequr shumë prej njerëzve me shenjat e Binjakëve dhe Virgjëreshës në hartën e tyre.
Mërkuri është i zmbrapsur deri më datë 6 Dhjetor dhe tregon se keni menduar e kishit përgjgijen mbi dilemat apo dyshimet që lidhen me gjërat që thashë që përfshin fusha e dytë e jetës, por në këtë fushë ka ende gjëra për të qartësuar, diçka për tu mësuar dhe rregulluar në mënyrë që t’i hapni rrugën një mundësie për të fituar bollëk.
Në këto muajt e fundit ka qënë e vështirë për shumë prej jush që të shikoni vlerën tek vetja duke qënë se Afërdita është drejtuesja juaj dhe duke vallëzuar e zmbrapsur, e përgjumur, j’ua ka bërë të vështirë që të shikoni se si mund të përdorni aftësitë dhe talentin tuaj për të ecur përpara.
Deri në datën 18 Dhjetor Afërdita do jetë ende në hije në njëfarë kuptimi, efekti i saj i të qënurit e zmbrapsur do jetë ende aktiv, dhe do keni dhe një frustrim të fundit brenda javës së parë të Dhjetorit për të përfunduar njëherë e mirë me këtë proces për të ndarë me të tjerët vlerën tuaj. Nuk keni pse të keni turp, çfarëdo çmimi që t’i vini punës suaj, do jetë i drejtë dhe i shumë merituar.
Nëse mendoni se ora juaj e punës kushton më shumë, kërkojeni këtë gjë; nga shefi ose nga klientët tuaj. Nëse mendoni se vlera jauj në shoqëri është më e madhe, bëjeni këtë gjë të qartë me sjelljen tuaj. Gërmoni thellë sepse do gjeni veten si rrënja e problemit për shkak se keni lejuar që dikush tjetër të nënvlerësojë punën tuaj apo t’ju bëjë të dyshoni në atë që keni për të ofruar. Duhet të mos e bëni më këtë gjë, gjë që do jetë shumë e lehtë për tu bërë tani me Afërditën e drejtuar.
Jupiteri muajin e shkuae ndryshoi shenjë dhe për këtë arsye do ju ndihmojë që të zgjeroni perspektivën tuaj, aftësinë tuaj për të rritur rrethin tuaj shoqëror dhe për pasojë edhe mendja juaj do zmadhohet. Hëna e re në shenjën e Shigjetarit më datën 7 Dhjetor do ju japë mundësi të reja për të ndërtuar shoqëri dhe për të ndarë atë që keni për t’i ofruar të tjerëve.
Hëna e plotë e datës 22 Dhjetor do ju japë mundësinë që të përfundoni diçka me rëndësi në karrierën tuaj sepse kjo hënë finalizon diçka në pjesën më të lartë të hartës suaj astrologjike, në pjesën e reputacionit dhe statusit tuaj në shoqëri. Për pasojë do jetë më e lehtë që të fitoni simpatinë e njerëzve. Jo se që të gjithë prej jush do bëhen të famshëm, por do gjeni më shumë mirëpritje prej njerëzve përreth, më shumë vlerësim dhe mirënjohje për punën tuaj gjithashtu.
Për disa mund të jetë edhe një moment kthimi apo ndryshimi në karrierën tuaj dhe ndryshim sjelljeje në lidhje me fëmijët tuaj. Fundi i muajit ndikohet shumë prej lëvizjes së Marsit më datë 31 dhjetor në shenjën e Dashit, duke ju dhënë kështu shumë energji dhe motivim për tu marrë me çeshtje që lidhen me bashkëpunimet, por jo duke anuar shumë nga kompromisi që ju karakterizon sesa nga individualiteti në këto marrëdhënie. Në rastin tuaj do fitoni mprehtësinë dhe ftohtësinë le të themi, për të ruajtur qëndrimin dhe mbrojtur interesin tuaj.
Kjo nuk do të thotë se nuk e keni bërë më parë, por rrallë e shikoni veten të frymëzuar për ta bërë këtë gjë si tani. Kështu që Janari do fillojë me një Peshore më të aftë për të mbrojtur veten, përballë konkurrentëve në punë ose përballë partnerit. E vetmja mënyrë për të arritur në harmoni ndonjëherë është nëpërmjet përballjes, kështu që këto përballje që ju presin janë shumë të nevojshme.
Edhe ju edhe partneri juaj do doni që të forconi pozicionin tuaj në lidhje dhe në shoqëri, por gjithashtu do motivoheni shumë për të luftuar në mënyrë që të fitoni më shumë harmoni.
Qiell të mbarë.
