Njëri nga futbollistët më të mirë në botë, Mohamed Salah ka mbërritur në Rusi me Kombëtaren e Egjiptit.
Ylli i Liverpool ka qenë në rrezik për të marrë pjesë në Kampionatin Botëror pas lëndimit në finalen e Ligës së Kampionëve.
Por Salah duket se ka lënë lëndimin mbrapa dhe pritet të luaj qysh në ndeshjen e parë me Egjiptin më 15 qershor përballë Uruguait.
Kombëtarja e Egjiptit tani ka mbërritur në Rusi dhe po qëndron në qytetin e Groznyt që është pjesë e Republikës çeçene të Rusisë.
Egjipti po i kryen stërvitjet në stadiumin ‘Akhmat Arena’, që është stadium i klubit Akhmat Grozny.
Flamuri i Kosovës në ‘Akhmat Arena’
E me të mbërritur Salah në seancën stërvitore pritjet për të kanë qenë fantastike nga publiku i pranishëm në shkallët e stadiumit.
Në këtë stadium janë të varur edhe dy flamujt shqiptarë, ai Kombëtar kuq e zi dhe flamuri shtetëror i Kosovës.
Këtë gjë e ka bërë klubi i Akhmat Groznyt në nderë të Bernard Berishës, Odise Roshit dhe Bekim Balajt që janë pjesë e rëndësishme e skuadrës çeçene.
Salah pritet të jetë njëri nga lojtarët kryesorë të këtij Kampionati Botëror. /Telegrafi/
https://youtu.be/6M88q6kPY9c
