SHIKONI SA I GUXIMSHËM DHE SA I VENDOSUR ISHTE POPULLI SLLOVEN NË LUFTË PËR LIRI KUNDËR USHTRISË JUGOSLLAVE TË CILËN E DETYROI TË TËRHIQET PËR 10 DITË
Lufta dhjetë ditore, ose lufta e pavarësisë sllovene, pasoi deklaratën sllovene të pavarësisës, e shpallur më 25 qershor 1991 duke rezultuar me pavarësinë e Sllovenisë, shtetit të parë që u shkëput nga Federata Jugosllave. Në Slloveni u luftua mes Mbrojtjes Territoriale Sllovene dhe Ushtrisë Jugosllave, pasi Sllovenia shpalli pavarësinë e saj. Lufta zgjati nga 27 qershor 1991 deri më 7 korrik 1991. Populli slloven iu kundërvu me të gjitha metodat agresionit të së ashtuquajturës “APJ”. Sipas vlerësimeve sllovene, Ushtria Jugosllave kishte 44 viktima dhe 146 të plagosur, ndërsa sllovenët kishin 18 të vrarë dhe 182 të plagosur. Dymbëdhjetë shtetas të huaj u vranë në konflikt, kryesisht gazetarë dhe shoferët e kamionëve bullgarë të cilët kishin humbur në vijën e zjarrit. 4,692 ushtarë të Ushtrisë Jugosllave dhe 252 oficerë të policisë federale u kapën nga pala sllovene. Vet Ushtria Jugosllave ka pranuar se humbjet e saj materiale në luftën e shkurtër në Slloveni ishin 31 tanke, 22 bartës të blinduar, 6 helikopterë, 6,787 armë këmbësorie, 87 pjesë artilerie dhe 124 armë të mbrojtjes ajrore të dëmtuara, shkatërruara ose konfiskuara.
