Sampaoli ka thënë se paraqitjet e Messit në Botëror nuk duhet të krahasohen me të Ronaldos për shkak të skuadrave të ndryshme, pasi sipas tij, Leo nuk mundet ta japë më të mirën me lojtarët e tanishëm të Argjentinës.
Përderisa Cristiano Ronaldo po shkëlqen në Botëror, Lionel Messi po vuan me Argjentinën. Por, besoni apo jo, Jorge Sampaoli e ka mbrojtur 10-shim magjik të Barcelonës, duke nënçmuar në njëfarë mënyre gjithë futbollistët tjerë, ani pse është vet trajner.
Messi, që humbi penalltinë në takimin e parë me Islandën, ishte i frustruar kundër Kroacisë, ku të besuarit e Sampaolit humbën 3-0.
“Ronaldo është lojtar i shkëlqyer, mjafton të shikoni se çfarë ka arritur në karrierë”, tha Sampaoli.
“Tani për tani, nuk duhet t’i krahasojmë këta dy lojtarë. Me realitetin e skuadrës së Argjentinës, ia pamundëson Leos që të shkëlqejë”.
“Ai është i kufizuar, sepse skuadra nuk shkon me të në mënyrë ideale, ashtu siç duhet. Si trajnerë, duhet të merremi me këtë”, theksoi mes tjerash Sampaoli.
